Identifika Unconfined Aquifer

Agora hau iha metodu ida atu hatudu oinsa atu hatene identifika unconfined aquifer? iha metodu ne'e simples liu ba ita atu hatene liu-liu husi visualmente. Iha tempu udan iha area caicoli baibain posu be'e ne'e nain suli mesak katak aktividade ne'e hatudu ona ba ita katak iha prosesu jeolojia balu mak kontrola. Prosesu ne'e mak hanaran prosesu hidraulika.

Caicoli ne'e ema barak mak hatene katak caicoli ne'e riku ho be'e mak hanesan groundwater. Dala barak populasaun hatene mak konsumu be'e ne'e maibe seidauk hatene ho nia prosesu jeolojia ne'ebe iha. ho oportunidade ida ne'e hau hakarak hakerek liafuan badak konaba ground water iha caicoli, karik ema barak mak iha perguntas liu-liu populasaun caicoli ne'ebe sai hun ba be'e ne'e, ne'ebe hatudu katak iha tempu udan posu be'e nain suli mesak maske ema la bompa ou supa.

Ground water ne'e mak be'e ne'ebe mak halo movimentu iha rai laran mak hetan iha entre area detritus rai ne'ebe mak infiltra no akumula hamutuk iha kamada ida ne'ebe mak hanaran AQUIFERA. Geralmente aquifera iha sensia jeolojia bajeia ba nia litolojia katak aquifera sei hafahe ba oin 4 (hat) mak hanesan : unconfined aquifer, confined aquifer, leakage aquifer no perched aquifer. Bazeia ba litolojia sira ne'e, klaru katak aquifer ne'ebe iha area caicoli hatudu momos katak litolojia ne'ebe mak iha relativu gravel to sand. Iha stratigrafia litolojia ne'e klaru katak arenito (sand) ne'ebe domina iha gravel nia okos sai indika katak fatuk arenito sai hanesan aquifera ba be'e. Husi kamada litolojia ne'ebe mak ita hare mos hahtudu katak aquifera ne tama iha unconfined aquifer ne'ebe iha leten ne'e domina ho gravel.

Bazeia ba karakteristiku fiziku no posisaun iha crosta rai, aquifera sei hafahe ba 3 (tolu) mak hanesan:unconfined aquifer, leaky aquifer no confined aquifer. Karakteristiku fiziku iha area ne'e hare ba nia grain size ne'e boot husi 0,5 - 5 mm (Gravel = 2-5mm --- sai hanesan fatuk maktaka ba aquifer depois sand = < 2mm ------ sai hanesan fatuk aquifera ba be'e).

Husi stratigrafia fatuk sira ne'e ita bele hatene katak aquifer iha area caicoli ne'e tama iha UNCONFINED AQUIFER, ne'ebe ho indikasaun be'e posu ne'ebe suli mesak mumuntu iha tempu udan.

Figura. Be'e posu iha caicoli sai indikasaun ba unconfined aquifer

Deposito Sedimentaria hamosu inundasaun iha manleuana

DEPOSITO SEDIMENTARIA IHA.MANLEUANA

Bazeia ba klasifikasaun deposito ambiental husi Krumbein & Sloss, 1963 katak area ne’e tama iha ambiental deposito rai mak hanesan AQUEOUS espesialmente area ne’e ba iha Fluvial tamba media ne’ebe mak kontrola liu iha area mota. Husi kauza ne’e mak hamosu prosesu sedimentasaun ne’ebe mak deposito iha area A, area B no area C (Hare iha Mapa). Mekanismu transportasaun iha area A ne’e nia mekanismu relativu traksaun (Fluid Flow), iha area B ne’e nia mekanismu relativu concentrated (Sediment Flow), depois iha area C ne’e nia mekanismu transportasaun relativu suspended.

Diferensia mekanismu transportasaun ne’e sei hamosu diferensia deposito sedimendasaun ne’ebe iha, ne’e mak hanesan husi mota ulun, mota klaran to’o mota ikun. Husi diferente ida ne’e tenki tau matan ba prosesu erosaun bazeia ba JEOMORFOLOJIA no JEOLOJIA STRUTURA katak area ne’e domina ho morfolojia denudasional no strutural no mos domina ho fraktura.

Bazeia mos ba inklinasaun area, ita bele halo estimasaun ba velosidade material sedimentasaun ne’ebe mak transporta. Husi analiza interpretasaun dadus husi DEM SRTM indika katak area A hetan slope >45 grau, area B hetan slope 15-44 grau, depois iha area C hetan slope <15 grau (hare iha Mapa). Husi dadus interpretasaun ne’e ita bele halo simulasaun konaba area ne’ebe mak rai halai.
Kazu ida mak foin daudauk hamosu inundasaun no rai halai iha area MANLEU tamba kondisaun jeolojia la sustenta, mak hanesan iha iha area C tamba area ne hanesan basia ida ne’ebe mak material sediment mai akumula. Presija hatene mak resistensia deposito sediment la hanesan ho resistensia fatuk.

 

Figura. Deposito sedimentasaun ne'ebe hamosu inundasaun